POEMS

POEMS

*बाप*  
                                                                                                                           
काल
तिचा बाप इश्वरा होता परवा इम्रान,
अन् त्याआधी इल्सन. कधी लोड असलेला ट्रक
रस्त्यावर थांबवून झुलत येणारा इसरतसिंगही
तिचाच बाप *** ***  
शेवटी
तासांच्या, दिसांच्या बोलीनं
मातेच्या अंथरुणावर
खिदळणारा पुरूष म्हणजेच
बाप
तिच्या लेखी
*** *** ***  
*रमेश कुरलीकर*  

*एवढीच इच्छा*

आनंद फक्त त्या रंगीत बाटलीत
बंद करून ठेवलेला असतो.
असं तुला कोणी सांगितलंय का मित्रा !

*** *** ***  
की तो फक्त डाॅल्बीच्या ठेक्यात नि
सामिश भोजनात असतो
असं सांगितलंय मित्रा !

*** *** ***  
असेल सांगितले तर ते साफ खोटं आहे
आनंदाचं असं आहे तो राहतो एकीकडे 
आणि पत्ता भलताच देतो मित्रा !

*** *** ***
तू म्हणशील 'काय हे !
आज 31'st आहे.
आमच्याही पायाला आता
बापाचं पायताण येऊ लागलंय की !'

*** *** ***
मित्रा !
उद्या इंग्रजी वर्षातला शेवटचा
दिवस आहे
तो तुझ्या आयुष्यातला नये ठरू
हीच प्रार्थना, हीच सदिच्छा

*** *** ***  

*रमेश कुरलीकर*