संस्कार

शिस्तीला नसता आई 

धाकाला नसता बाप

पोरांच्या करतुदीने

डोक्याला होतो ताप

संस्कृती कळण्यासाठी 

घरी एक असावी आजी

आजोबांच्या युक्तीने

कुणी मारून जातील बाजी

जाणत्या पिढीचे वैभव

नसतेच घराला अडगळ

प्रत्येक नव्या वाटेवर 

ते आपल्यासाठी आगळ

श्रावण नि पुंडलिकाने

जे जपले होते नाते

आईबापाचे महिमान

इतिहाशी उजळून जाते

संस्कार दुकानी नसतो

ना मिळतील देऊन नाणे

वर्तमान ठेवून साक्षी

थोरांचे गावे गाणे

        *© रमेश कुरलीकर*