पादाकुलक
८+८
दिवस बेगडी आले त्यांचे
जीवन बेचव झाले त्यांचे
शिळ्या कढीला देत फोडणी
वरती पडती घाले त्यांचे
ओझे वाहत कर्ज भिकेचे
खेचर रखडत चाले त्यांचे
पत्रावळीचे गठ्ठे तुंबून
तुडुंब भरले नाले त्यांचे
गांधारीसम बांधून पट्टी
पुन्हा हिनवती साले त्यांचे
लबाड सत्तेतील कोल्ह्यांनी
पीठ मीठही खाल्ले त्यांचे
स्वप्ने विरली दिस मावळता
काळे माकड झाले त्यांचे
No comments:
Post a Comment